အသိုင်းအဝိုင်း လမ်းညွှန်ချက်

၁. အပြန်အလှန် လေးစားပါ

Mentor ဖြစ်စေ Mentee ဖြစ်စေ တစ်ဦးနဲ့တစ်ဦး လေးစားစွာ ဆက်ဆံပါ။ လူမျိုး၊ ဘာသာ၊ ကျား/မ၊ အသက်၊ မသန်စွမ်းမှု အပေါ် အခြေခံပြီး ခွဲခြားဆက်ဆံခြင်းကို လုံးဝ ခွင့်မပြုပါ။

၂. အချိန်ကို တန်ဖိုးထားပါ

• ရွေးထားတဲ့ အချိန်မှာ တက်ရောက်ပါ
• မလာနိုင်ရင် အနည်းဆုံး ၁၂ နာရီ ကြိုတင် cancel လုပ်ပါ
• Mentor တွေက အလုပ်ကြားထဲက အချိန်ပေးနေတာ ဖြစ်ကြောင်း သတိပြုပါ

၃. Session ကို ရည်ရွယ်ချက်အတိုင်း သုံးပါ

Career နဲ့ ပညာရေး ဆိုင်ရာ ဆွေးနွေးမှုအတွက်သာ ဖြစ်ပါတယ်။ ရောင်းချခြင်း၊ အလုပ်ခေါ်ခြင်း၊ ငွေချေးခြင်း ဒါမှမဟုတ် ကိုယ်ရေးကိုယ်တာ ဆက်ဆံရေး ရှာဖွေခြင်းအတွက် မသုံးပါနှင့်။

၄. ကိုယ်ရေးအချက်အလက်ကို ကာကွယ်ပါ

Meeting link ကို ပါဝင်ခွင့်ရှိသူများထံသာ ပေးပါ။ တခြားသူရဲ့ အချက်အလက်၊ ဓာတ်ပုံ ဒါမှမဟုတ် စကားပြောဆိုမှုကို ခွင့်ပြုချက်မရှိဘဲ ပြင်ပမှာ မမျှဝေပါနှင့်။

၅. ရိုးသားစွာ ဆောင်ရွက်ပါ

အတွေ့အကြုံနဲ့ ရာထူးကို ချဲ့ကားပြီး မဖော်ပြပါနှင့်။ Session မှတ်တမ်း၊ တက်ရောက်မှု ဒါမှမဟုတ် review တွေကို လိမ်လည်ဖန်တီးခြင်းက အကောင့် ရပ်ဆိုင်းခံရနိုင်ပါတယ်။

၆. အကူအညီ လိုရင်

မသင့်လျော်တဲ့ အပြုအမူ ကြုံရရင် hello@dohconyat.com ကို အကြောင်းကြားပါ။ Session ရဲ့ ရက်စွဲနဲ့ ဖြစ်ပျက်ခဲ့တာကို ရေးပေးပါ။ တိုင်ကြားချက်တိုင်းကို လျှို့ဝှက်စွာ စိစစ်ပါမယ်။

အရေးပေါ် အန္တရာယ် ရှိတယ်လို့ ယူဆရင် သက်ဆိုင်ရာ အာဏာပိုင်များကို အရင် ဆက်သွယ်ပါ။

၇. အကျိုးဆက်များ

လမ်းညွှန်ချက် ချိုးဖောက်ရင် ဖြစ်ရပ်ပေါ်မူတည်ပြီး သတိပေးခြင်း၊ booking ခေတ္တ ရပ်ဆိုင်းခြင်း ဒါမှမဟုတ် အကောင့် အပြီးအပိုင် ပိတ်ခြင်း ပြုလုပ်ပါမယ်။